सुर्खेत: उद्योग व्यवसायी संघ सुर्खेतको नयाँ कार्यसमिति चयन गरिएको छ । धिरेन्द्रबहादुर शाहीको अध्यक्षतामा १७ सदस्यीय कार्यसमिति चयन गरिएको हो ।
संघको वीरेन्द्रनगरमा सम्पन्न प्रथम जिल्ला अधिवेशनले कार्य समितिको वरिष्ठ उपाध्यक्षमा लोकेन्द्रबहादुर थापा, वाणिज्य उपाध्यक्ष पारस विष्ट, उद्योग उपाध्यक्ष गोरख विक, महिला उपाध्यक्ष चन्द्रा कार्की, महासचिव खगेन्द्र पुलामी मगर, सचिव नरबहादुर विक, कोषाध्यक्ष अनिल शाही तथा सदस्यहरु तेजबहादुर सिंह, जंगबहादुर विसी, प्रेमबहादुर श्रेष्ठ, दिपेन्द्र गैरेल, ललित सुनार, जनक विष्ट, पदमा देउवा, बेलमती नेपाली र खिमबहादुर वली चयन भएको संघका महासचिव खगेन्द्र पुलामी मगरले जानकारी दिए ।
नवर्निवाचित कार्यसमितिका पदाधिकारीलाई कर्णाली प्रदेशका मुख्यमन्त्री राजकुमार शर्मा, कर्णाली प्रदेश सरकारका आन्तरिक मामिला तथा कानून मन्त्री कृष्णबहादुर जिसी, उद्योग व्यापार महासंघका केन्द्रिय उपाध्यक्ष प्रवल शाही र केन्द्रिय सचिव सुर्य थापा (विक्रम) एवं संघ सुर्खेतका तदर्थ समितिका अध्यक्ष ओमप्रसाद पौडेल लगायतले बधाई तथा सफल कार्यकालको शुभकामना व्यक्त गरेका थिए ।
सूचना र समाचारको घर, तथ्यमा खुला नजर
खुलानजर । १२ चैत्र २०७९, आईतवार २१:३२