सुर्खेत : सुर्खेतको वीरेन्द्रनगर स्थित साहारा क्याम्पसलाईउत्कृष्ट क्याम्पसको उपाधि दिइएको छ । बुधबार काठमाडौंको रेडिसन होटलमा सम्पन्न भएको छैटौं न्यू बिगबि स्कूलबि मूल्याङ्कन रैंकिंग पुरस्कार २०२२ कार्यक्रमबाट साहारा क्याम्पसले उत्कृष्ट क्याम्पसको उपाधि पाएको हो ।
छनोटमा दुइ हजार बढी क्याम्पसहरू सहभागी भएका थिए । साहाराले कर्णाली प्रदेश विधामा उत्कृष्ट उपाधि पाएको क्याम्पसका अध्यक्ष केशर रोकायले जानकारी दिए ।
सन् २०१८ मा पनि उक्त क्याम्पसले उत्कृष्ट अवार्ड पाएको थियो । त्रिभुवन विश्व विद्यालयबाट सम्बन्धन प्राप्त साहारा क्याम्पसले पाएको उपाधि समग्र कर्णालीको लागि गौरव भएको अध्यक्ष रोकायले बताए ।
स्थापनाकालदेखि नै जिल्लामा उत्कृष्ट नतिजा प्राप्त गरिरहेको क्याम्पस प्रदेशकै अब्बल क्याम्पसका रुपमा स्थापित भएको छ ।
त्रिभुवन विश्व विद्यालयबाट सम्बन्धन प्राप्त गरि यस क्याम्पसले विविएस, विसीए, विआइएम र प्लस टु कार्यक्रम सञ्चालन गरिरहेको छ । क्याम्पसले प्राबिधिक जनशक्ति उत्पादन गर्ने गरी अन्य कार्यक्रमहरु ल्याउने तयारी समेत गरेको अध्यक्ष रोकायको भनाई छ ।
सावित्रा विक । २ भाद्र २०७९, बिहीबार १४:४८